Thursday, March 28, 2013

နွေဦးညတစ်ည၌ အချစ်နှင့်အလွမ်းကို သရုပ်ခွဲကြည့်ခြင်း-ရတုသစ်


          ဒီနှစ်နွေဦးသည် ခါတိုင်းနှစ်များထက် စောစီးစွာရောက်လာခဲ့သည်ဟု တွေးတောနေမိ၏။   ဆောင်းနှင်းကြွင်းတို့၏ လက်ကျန်အလွမ်းကို လေရူးက ရိတ်သိမ်းပစ်လိုက်သည်။ ဗာဒံရွက်တို့ကြွေကျ သည်။ ကြွေကြ ရှာသည်။ အခြားသောသစ်ရွက်များလည်း မတည်မြဲခြင်းတရား၏မျက်လှည့်ဆန်မှုကို ကိုယ်တွေ့ကြုံ လိုက်ကြဟန်တူ၏။ ကျွန်တော်က သစ်ရွက်လေးများ၏ခံစားချက်ကို ပုံဖော်ကြည့်နေမိသည်။

         ဖြစ်တည်မှု၏ အစကတည်းက တွဲစပ်လာခဲ့သော အနှောင်အဖွဲ့သည် တည်မြဲနေလိမ့်မည်ဟုထင် ခဲ့ပေလိမ့်မည်။ သို့သော်… ထိုအတွေးသည် လေရူး၏ကျီစယ်ကစားမှုအောက်မှာပင် လွင့်စင် သွားလေပြီ။ မြေပြင်သို့သက်ဆင်း၍ အနင်းခံကြရပေဦးမည်။ လွှင့်ပစ်ခံကြရပေဦးမည်။ အချိန်အခါ ၊အခြေအနေနှင့် သင်္ခါရတရားတို့က စီရင်ချက်ချလာသောအခါ ရှောင်လွှဲ၍ရနိုင်ပါမည်လား”
-------------------------------------------------------------------------

           နွေဦးအကြောင်း စာတစ်ပုဒ်ရေးကြည့်ဖို့ ကျွန်တော်ကြိုးစားနေမိသည်။ ကျွန်တော်ကြုံတွေ့နေ ရသောနွေဦးကို ခံစားမိသည့်အတိုင်းရေးဖို့လည်း စဉ်းစားထားမိ၏။ သို့သော်..အချို့နေရာများ၌ကျွန်တော် ၏ စိတ္တဇဆန်မှုများ ပါဝင်ကောင်းပါဝင်ပါလိမ့်မည်။ တကယ်ဆို ကျွန်တော်က နွေကိုကြောက်တတ်သူ။ သစ်ရွက်လေးများ၏ ခွဲခွါရခြင်းကိုငေးကြည့်ရင်း ဆွတ်ကျင်လှိုက်မောနေတတ်သူတစ်ယောက်ဖြစ်နေသည်။

          အိပ်စက်မရသောညများဝယ် ကျွန်တော်တစ်ယောက်ထည်း တွေးမိတွေးရာတွေးနေတတ်သည်။ ထို အခါမျုိုး၌ နွေဦးက ကျွန်တော့်အတွေးကို သိမ်းပိုက်သည်။ သစ်ရွက်ကြွေသံဖြင့်တိုးဝင်သည်။ ဥသြငိုသံဖြင့် ရစ်ဖွဲ့သည်။ မြေနံ့သင်းသင်းဖြင့် ချည်နှောင်သည်။ အိုက်စပ်သောခံစားမှုဖြင့် နမ်းရှုပ်သည်။ ကျွန်တော် ငုတ်တုတ်မေ့ရသောအချိ်န်များပင်ဖြစ်သည်။

           သစ်ရွက်ကြွေသံကို လိုက်ရှာရင်း ကြယ်တစ်သင်းနှင့် စကားစမြည်ပြောဖြစ်သည်။ ကျွန်တော်ပြော ခဲ့သောစကားများကို သူတို့ နားလည်ကောင်းနားလည်ပါလိမ့်မည်။ နားမလည်ဖြစ်ဖို့က များမည်ထင်ပါ သည်။ ကျွန်တော်ပြောသောစကားများထဲမှာ သင်္ခါရတရားများကြား စတေးခံလိုက်ရသော သိင်္ဂါရ အလှလေးတွေအကြောင်း ပါဝင်တတ်၏။


          ခွဲခွါခြင်းနှင့်ကွဲကွာခြင်းအကြောင်းလည်း ပါနေတတ်သည်။ မြေပြင်မှာ လမ်းလွဲသွားခြင်းက တစ်ချိန် မှာပြန်ဆုံနိုင်သော်လည်း ရင်ဘတ်ထဲမှာ လမ်းလွဲသွားသောအခါ ဆုံနိုင်ရန်အခွင့်အရေး မရှိနိုင်တော့ လောက်အောင်ဖြစ်တတ်ကြောင်းများလည်း ပါဝင်နေသေးသည်။ တကယ်ဆို.. ကျွန်တော် ကိုယ်တိုင်ကရော…သစ်ရွက်ကြွေလေးများ၏ဘ၀နှင့် ဘယ်ရွေ့ဘယ်မျှထူးပါသနည်း။

           ကျွန်တော်တစ်ယောက်တည်းသာ သိရှိမည်ထင်ရသော ရင်ကြွေအလွမ်းကို အခြားတစ်ယောက်က သိနေလိမ့်မည်ဟု မထင်ခဲ့မိရိုး အမှန်ပင်။ သူဘာ့ကြောင့်သိနေရသနည်း။ ဘာအတွက်သိနေပါသနည်း။ ကျွန်တော်မေးကြည့်ချင်မိသည်။ အလွမ်းချင်းနီးစပ်သူမို့သိနေလေရော့ သလား။ စိတ်ချင်းဆက်နွယ်နေ သူမို့မြင်နေလေရော့သလား။ ထိုသို့မဟုတ်လျှင်….။
               -----------------------------------------------------------------------

           တစ်ခါတစ်ရံ၌ တစုံတရာကို တစ်ဦးတစ်ယောက်နှင့်ဆက်နွယ်၍ တမေ့တမောတမ်းတနေရခြင်း မျိုးကြုံဖူးကြမည်ထင်ပါသည်။ ထိုသို့သော တစ်ခါတစ်ရံများဝယ် တစ်ရံတစ်ခါဆီမှအလွမ်းများ သာ ပြန်မြင်နေရခြင်း၏အဖြေကို တစ်စုံတစ်ယောက်သောသူသည် ဖြေဖျောက်ပေးနိုင်လိမ့်မည်ဟု ယုံကြည် ခဲ့မိဖူးသည်။ ယုံကြည်မှု၏ အတိမ်အနက်နှင့်တည်တံ့ခိုင်မြဲမှုကို ဆန်းစစ်ဖ်ို့လစ်ဟာနေခဲ့မှန်း ဥသြငိုသံကြားမှ သတိပြုမိသည်။

          ............ကျွန်တော်တို့က ဥသြကိုဖော်မစုံအလွမ်းငှက်ကလေးအဖြစ်သာ သိထားခဲ့ကြသည်။
နွေသရုပ်ကိုဖော်ဖို့ရောက်ရောက်လာတတ်သော သရုပ်ပြငှက်ငယ်အဖြစ်သာ ရှုမြင်ခဲ့ကြသည်။ လွမ်းသူ ကိုဆွေးရိကြေကွဲစေသောတေးသီငှက်ဟုသာ ထင်မှတ်ခဲ့ကြသည်။

             နွေဦးညတစ်ည၌ ထို့ထက်ပို၍.. ဥသြကို ကျွန်တော် သိခွင့်ရလိုက်သည်။ ကျွန်တော်သိ လိုက်သောအသိသည် လူတိုင်းနှင့် အံဝင်ခွင်ကျဖြစ်ချင်မှဖြစ်နိုင်ပေလိမ့်မည်။ ကျွန်တော့် ဥဒ္ဒစ္စနယ်ပယ် အလွန်မှအသိမွန်၊ အသိဦးကိုနွေဦးနှင့်အတူ ရရှိလိုက်သည်မှာအမှန်ပင်။ ဥသြနှင့်အတူနွေဦးကို ကျွန်တော် ရဲရဲရင့်ရင့်တိုးဝင်နိုင်လိမ့်မည်ဟုထင်မှတ်ထားလိုက်မိသည်။

                      ---------------------------------------------------------
              
            ဥဒ္ဒစ္စနယ်အလွန်မှပြန်ရောက်လာသောစိတ်ကို ချည်တိုင်မှာပြန်ချည်လိုက်သည့်အခါတစ်စုံတစ်ရာ က ထိထိရှရှဝင်ငြိလာပြန်သည်။ မြေနံ့။ နွေဦးရာသီအစ၌ ရတတ်သောမြေသင်းနံ့။ ကွန်ကရစ်တော တန်းနှင့်နိုင်လွန်ကတ္တရာကျောရိုးကြီးများသာ ထူထပ်လာနေသောအခါဝယ် မြေသင်းနံ့လတ်လတ်ဆတ် ဆတ်ရှုရှိုက်မိခြင်းကို ကုသိုလ်တစ်မျိုးဟု ကျွန်တော့်ဘာသာ မှတ်ယူထားလိုက်မိ သည်။ ငွေနံ့၊ ကြေးနံ့၊ လွှမ်းနေသောအတ္တကမ္ဘာ။ အာဏာနံ့၊ မာယာနံ့လွှမ်းနေသောလောဘကမ္ဘာ။ ယမ်းနံ့ ကာဘွန်ဒိုင်အောက် ဆိုဒ်နံ့တွေလွှမ်းနေသောဒုက္ခကမ္ဘာ၏ တစ်ထောင့်တစ်နေရာမှာ ကျွန်တော်က မြေသင်းနံ့လေးကိုချစ်
မက်ရှုရှိုက်နေရသည်။ မြေကမ္ဘာမှာပင် မွေးဖွားလာသော လူသားတစ်ယောက်မို့မြေလွှာကိုချစ်သည်။

          မြေလွှာပျက်စီးမှု၊ မြေဆီလွှာလျော့ကျမှုများဖြစ်လာမည်ကို စိုးရိမ်စိတ်ကဲနေမိပြန်သည်။ ထို့ထက် ..ကိုယ့်အမိမြေ၏မြေလွှာအမျိုးမျိုးကိုတန်းဖိုးထားမိသည်။ မြေသင်းနံ့လေးတွေပျောက်ကွယ်သွားမှာ စိုးရိမ်လာမိသည့်သောကစိတ်ကို နွေဦးနှင့်အတူ တိတ်တဆိတ်တွေ့ရှိခံစားမိရသည်။ မြေသင်းနံ့လေးတွေ ကျန်းမာနေစေဖို့ ဆုတောင်းနေမိသော ကျွန်တော့်ကို ဥသြငှက်ငယ်လေးရောတွေ့နိုင်ပါမည်လား…။

                         --------------------------------------------------------------

           အလွမ်းဟု နာမည်အလွယ်ပေးထားရသောခံစားမှုတစ်ခုဖြင့် ကျွန်တော်အိပ်ရေးပျက်ခဲ့ဖူး သည်။ ဘာကြောင့်ခံစားရမှန်း ကိုယ်တိုင်ပင် မရေရာခဲ့။ အချစ်၊ အလွမ်းဆိုသောခံစားမှုများက သူလျှိုဆန်လွန်း သည်ဟု ထင်မိရသည်။ အလစ်အငိုက်၌ တိတ်တဆိတ်ဝင်ရောက်တိုက်ခိုက်တတ်သည်။ သတိလက် လွတ်ငေးမောနေကြသော ကျွန်တော်တို့အချစ်၊ အလွမ်းတို့၏ခြယ်လှယ်မှုမှာ လိုက်ပါပျော်ဝင်ကြရသည်။


           အချစ်၊ အလွမ်းကိုအချစ်၊ အလွမ်းအတိုင်းထားနိုင်ဖို့ခက်မည် ထင်သည်။ အချစ်မှ အမုန်း၊ အလွမ်းမှ အရူးဖြစ်သွားတတ်သောသာဓကများစွာ ရာဇ၀င်နှင့်ချီ၍ ရှိခဲ့ဖူးပါသည်။ ကျွန်တော်က အချစ်ကိုအချစ် အတိုင်းထား၍ အလွမ်းကိုအလွမ်းအတိုင်းထားနိုင်ဖို့ တစ်ကိုယ်ရည်ခွန်အားဖြင့် စိတ်ကိုသီးသန့် တည်ဆောက်နေမိသည်။ တည်ဆောက်လက်စ သီးသန့်ဖြစ်တည်မှုတစ်ခုမို့ ခိုင်မာကြောင်း အာမခံ ရန်စောလွန်နေသေးသည်။

            ကျွန်တော့်အားနည်းချက်တစ်ခုမှာ ချစ်စရာရှိလျှင် အစွမ်းကုန် ချစ်လိုက်မိသည်။ လွမ်းစရာ ရှိလာသောအခါလည်း အစွမ်းကုန်လွမ်းရပြန်ပါသည်။ ထိုအစွန်းရောက်ခြင်းသည်ကျွန်တော်၏ အားနည်း ချက်တစ်ခုဖြစ်ကြောင်း သစ်ရွက်ကြွေသံ၊ ဥသြငိုသံကြားမှ သိရှိလိုက်ရသည်။ အချစ်နှင့် အလွမ်းကိုနေရာ တကျထားတတ်ဖို့အရှိန်ယူရပေဦးမည်။အချိန်ယူရပေဦးတော့မည်။      
                                                
         -------------------------------------------------------------------------------------------

            နွေဦးညရိပ်ပြာများသည် လရောင်ဖြာလျှင် ရင်သပ်ရှုမောရလောက်အောင်ခမ်းနားတတ် သည်။ ဆောင်းည၊ မိုးညများထက် နွေညများက လရောင်နှင့် ပို၍လိုက်ဖက်မည်ထင်သည်။ နွေညများ သည် လရောင်ကို အလိုလို လိုအပ်နေတတ်သည်။ လရောင်မဲ့သောနွေညများသည် ရေခမ်းနေသောမြစ် တစ်စင်းလိုပင်။ မစိုပြေမတောက်ပ။ လရောင်ဖြာခဲ့သော အတိတ်နွေဦးညများဆီမှ အဘွားပြောပြ ခဲ့ဖူးသောရှေးဟောင်းနှောင်းဖြစ်များကစိတ်သန္တာန်မှာအစီအရီပြန်ပေါ်လာသည်။

           လရောင်မဖြာသေးသောနွေဦးညတစ်ညမို့ လရောင်ကို ချုံးချုံးကျလောက်အောင်လွမ်းနေမိသည်။ သစ်ရွက်ကြွေသံ၊ ဥသြငိုသံ မြေနံ့သင်းသင်းတို့ဖြင့် နွေဦးကိုခက်ဆစ်ဖွင့်၍မလုံလောက်ပေ။ လရောင် ရွှန်းလဲ့လဲ့ကို ချန်ထားခဲ့လို့မရ။ အိုက်စပ်ပူလောင်သောနွေညများဝယ် လရောင်အေးအေးမှာ မမှေးစက် ချင်သူများရှိကောရှိနိုင်ပါ့မည်လား။

           ငယ်စဉ်အချိန်များမှာတော့ အဘွားတို့ငယ်စဉ်က စံနစ်ဆိုးတွေအကြောင်းနှင့်လွတ်လပ်ရေး ရပြီး နောက်ပိုင်းအခြေအနေများကို ကြားနာခွင့်ရခဲ့သည်။ စည်ဗြောသံသာသာနှင့်ဆီကိုရေချိုး၊ ဆေးရိုးမီး လှုံခဲ့ရသည်ဟုဆိုသောခေတ်တစ်ခုကိုလည်း ပုံပြင်ပမာနားထောင်ခဲ့ရသည်။ အဘွားက သူသိသလောက် ပဲပြောပြခဲ့မှန်း ယနေ့အချိန်တွင်ကျွန်တော်ခံစားသိရှိနေပြီ။ အဘွားမသိနိုင်တော့သော စံနစ်ဆိုးတွေ အများကြီးကျန်သေးမှန်း အဘွားကိုပြန်ပြောပြခွင့်ရလျှင်တောင် ကျွန်တော်ပြန်ပြောမပြလိုတော့။

             "ဆီကိုရေချိုး” ဟုတင်စားရလောက်အောင် စားသုံးဆီပေါများခဲ့သည့်ခေတ်တစ်ခေတ်အကြောင်း ယနေ့တစ်ချို့ဒေသများဆီမှ ကလေးငယ်များထံသွားရောက်ပြောပြလျှင် သူတို့လေးတွေ ယုံနိုင်ကြ လိမ့်မည်မထင်ပါ။ စည်ဗြောတွေတီး၍ အလှူပေးကြသည့်ဓလေ့အကြောင်းကို သွားပြော၍ နားလည်ကြ လိမ့်မည်မဟုတ်ပါ။သူတို့လေးတွေ၏ သောတအာရုံအတွင်းမှာ ပေါက်ကွဲသံတွေသာ ခိုအောင်းနေရှုာပေ လိမ့်မည်။

             လသာသောညများမှာလည်း “ညအခါ၊ လသာသာ၊ ကစားမလား၊ နားမလား၊”ဟစ်အော်ခွင့် ရရှာမည်မဟုတ်။ လရောင်စစ်စစ်ကို မခံစားကြရရှာပဲနွေကန္တာလို ညဆိုးကြီးတွေ ဘယ်လောက်ဖြတ်သန်းခဲ့ ရရှာမည်မသိနိုင်။ ကျွန်တော်အတွေးရပ်ပစ်လိုက်ရသည်။ ကျွန်တော်က ပုဂ္ဂလိကအလွမ်းဖြင့် ညတစ်ခု မှာဆွေးမြည့်မြည်တမ်းနေသည်။ မကျယ်ပြန့်သော အချစ်တစ်ခုဖြင့်နွံပြာအိုင်မှာ နစ်နေသည်။


               စံနစ်ဆိုးတစ်ခုအောက်မှာ ကျရောက်နေဆဲဖြစ်သောဘ၀များကို ကရုဏာသက်ရုံမဟုတ်ပဲ တစ်ဖက်တစ်လမ်းမှ ကူညီခွင့်ရဖို့ ကြိုးစားခွင့်ရဖို့ ကြိုးစားရမည်ဟုဆုံးဖြတ်ချက်ကိုချလိုက်သော အခါ  နှလုံးသွေးက ပြန်ဆူလာသည်။ ကျွန်တော်သိလိုက်သည်။ ယခုတစ်ခါပြန်ဆူလာသော နှလုံးသွေး သည် ကျယ်ပြန့်သောအချစ်တစ်ခု၏ မွေးဖွားခြင်းအစ ဖြစ်ပါလိမ့်မည်။ ပြီးတော့ဗိုလ်ချုပ်အောင်ဆန်းကို ရင်အသည်းထဲကလွမ်းတတ်လာအောင်ဗိုလ်ချုပ်၏လုပ်ဆောင်ချက်များကိုနှလုံးသားဖြင့်ပြန်လည် ခံစားမည်။ ထို့ပြင်မာသာထရီဇာ၊ မဟတ္တမဂန္ဒီနှင့် နှလုံးလှသံတမန် စူငိဟာရ တို့၏လုပ်ရပ်ကောင်းများ ကိုလည်း ရင်ဘတ်နှင့် လွမ်းတတ်ချင်ပါသေးသည်။ အချစ်နှင့်အလွမ်းကို နေရာတကျထားနိုင်ဖို့ ကျွန်
တော် ကြိုးစားကြည့်နေမိခြင်းဖြစ်ပါသည်။
 
        -------------------------------------------------------------------------------------

             ကမ္ဘာမြေအတွက် မရှိမဖြစ်လိုအပ်သောကောင်းကျိုးပြုသူများကို ကျွန်တော်ချစ်တတ်လာသည်။ မရှိတော့ပြီဖြစ်သောကောင်းကျိုးပြုသူများကို လွမ်းမောတသတတ်လာသည်။ သူတို့၏လုပ်ရပ်ကောင်းများ ကို အနာဂတ်မျိုးဆက်သစ်တစ်ခုဆီပြန်လည်မျှဝေပေးချင်နေမိသည်။

              ကမ္ဘာမြေအတွက်ကောင်းကျိုးပြုချင်သူပေါများလာလျှင် အနာဂတ်ကမ္ဘာသည် သာယာလှပ လာမည်မှာမလွဲ။ နွေညရိပ်ပြာပြာ၌ ငွေလသာသာ၏ ချမ်းမြမှုကို ခံစားမိသူများလာမည်မှာလည်း အမှန်ပင်။

             နွေညတစ်ည၏ အိပ်မပျော်သောသံသရာဝယ် ကျွန်တော်က အချစ်နှင့်အလွမ်းကို ခွဲခြားတွေးနေ မိသည်။ နေရာဒေသပေါင်းစုံမှနွေကန္တာညများဆီလရောင်လဲ့လဲ့ကိုမျှားပေးချင်နေမိသည်။ ကျွန်တော် တစ်ဦးတည်းမျှားနေလို့မရ။ ခေါ်ငင်နေလို့မဖြစ်။ အချစ်၊ အလွမ်းကိုနေရာတကျထားလျှက် ကျယ်ပြန့်သော အချစ် အဓိပ္ပါယ်ရှိသောအလွမ်းများဖြင့် လူသားအားလုံး လရောင်ကိုဝိုင်းဝန်း၍ မျှားကြမည်ဆိုပါလျှင်……။


                                           ရတုသစ်

No comments:

Post a Comment